الرئيس السيسي: الصبر والتحمل والعمل هو السبيل معايا أو مع غيري

قال الرئيس عبدالفتاح السيسي، إن المسئولين في العهود السابقة، كانوا يخفون الحقائق على المواطنين ولا يصرحون بالمشكلات.

وأضاف خلال إحدى جلسات مؤتمر حكاية وطن «بين الرؤية والإنجاز»، المنعقد في العاصمة الإدارية الجديدة، مساء السبت: «قبل كده كانوا بيخبوا الحقائق عن الناس أو مبيقالوش، لازم أقول للناس كل حاجة، لأنهم واعيين ودي بلدهم ودي بلدنا وكلنا مسئولين عنها».

ونوه بأن الأشرار يستغلون أي أزمة ويستهدفون مصر في كل القطاعات من أجل تخريب الدولة، معقبًا: «عشان أصرف على القطاع تريليون أو 2، أدخل أزمة تاني مع الأشرار اللي عاوزين يخربوا البلد ويتسهدفوا كل حتة فتعمل كارثة كبيرة لمصر 40 و50 سنة».

وأكمل: «بقالنا 10 سنوات نعالج الخلل الذي حدث في 2011 و2012 و2013، لكن الصبر والتحمل والعمل هو السبيل معايا أو مع غيري».

واستطرد: «أنا بكلمكم بجد والله، ربنا مطلع على قلوب الناس ونواياها، لو عاوزين بلدكم تبقى تمام ملكمش غير الصبر والعمل والعمل والعمل حتى نتجاوز».