مرتضى منصور يهاجم شيكابالا

شن مرتضى منصور رئيس مجلس إدارة نادي الزمالك - الصادر بحقه حُكم قضائي بعزله - هجومًا حادًا على محمود عبد الرازق «شيكابالا» قائد الفريق الأبيض.

وقال شيكابالا في تصريحات عقب مباراة الاتحاد المنستيري بالبطولة العربية، إنه سيتحدث عن أزمات عديدة داخل صفوف الفريق الأبيض، ولكن عقب نهاية المسابقة.

ورد منصور على تصريحات شيكابالا عبر قناة ناديه، قائلا: «شيكابالا بيقود حملة تمرد بين اللاعبين، اللي بيحب الزمالك ميتمردش ويلم اللاعبين الصبح ويقولهم مش هننزل التمرين».

وأضاف: «وأنا حذرت كل اللاعبين قولتلهم اللي مش هيجى التمرين الساعة 4 النادي مش عاوزه، يا شيكابالا الكابتن لازم يكون كبير في تصرفاته، وأنت لاعب موهوب متضيعش موهبتك بالكلام ده».

وتابع منصور: «اللاعبين لهم مستحقات متأخرة بالفعل، ولكن سيف الجزيري وحمزة المثلوثي اللي مش من ولاد الزمالك رفضوا تصرف شيكابالا».

وواصل: «أنا 24 ساعة مش بنام وأنا بره النادي، ورحلت عن رئاسة النادي بسببك يا شيكابالا، عشان ممدوح عباس صاحبك يفك الحجز عشان ندفع مستحقات اللاعبين وندفع غرامتك لـ سبورتنج لشبونة».

وأتم: «أنت المفروض كبير يا شيكابالا وشايفنك كابتن الزمالك، أومال زيزو وفتوح والجزيري يعملوا ايه، وهم أفضل لاعبين في الفريق حاليًا».