نجم الزمالك السابق يوجه نصيحة لطارق حامد

أبدى أحمد عيد عبدالملك نجم نادي الزمالك والمنتخب الوطني السابق، حزنه لما آلت إليه علاقة طارق حامد لاعب خط وسط الفريق الأبيض، بالنادي وإدارته وجماهيره.

وكان طارق قد انقطع عن تدريبات الزمالك لأكثر من 40 يوماً، بحجة السفر لإسبانيا من أجل التأهيل، بينما لم توافق الإدارة سوى على فترة أسبوع فقط لعرض حالته على الطبيب.

وقال عبدالملك تعليقا على موقف طارق الذي ينتهي عقده مع الزمالك بنهاية الموسم الجاري: " انا بحب جداً جداً طارق حامد ومكنتش اتمني نهاية العلاقة بين طارق والنادي والجمهور الي كان واقف معاه في كل حاجة تبقي كدة".

وتابع: "بالمناسبة طارق اختار الزمالك من البداية و فضله عن المنافس لو في حاجة طارق لازم يعملها يبقي لازم يطلع يتكلم و يوضح كل الفترة الاخيرة ايه حصل ويخاطب جمهوره".

وأضاف عبدالملك الذي تزامل مع حامد في الزمالك لبضع سنوات: "في الاخر النادي مش هيقف علي طارق او غيره بس بردو عمري ما هنسي ال ٨ سنين ليه جوة النادي و الي عمله و تعبه و محدش يقولي ما هو بياخد مقابل ما الكل بياخد مقابل بس مش الكل مقاتل و مش هنختزل ٨ سنين في اخر سنة بس هي فعلاً في الاخر خسارة ليه ولينا كنت اتمني انه يكمل كمان سنتين في النادي".