إيمي طلعت زكريا: بابا مات محسود.. وبعد طباخ الريس كان حاسس إن هيجراله حاجة

تحدثت الفنانة إيمي طلعت زكريا عن خوف والدها من الحسد وعلاقته بوفاته قائلة: "بابا مكنش بيخاف من الحسد بس كان بيبقى عارف يعني، أول فيروس جاله بعد ما صور فيلم طباخ الريس، وصوره قعد وقال يارب أنا حاسس إن هيجرالي حاجة بعد الفيلم دا فلو هيحصل حاجه متجيش في ولادي، بعد ٣ أيام بالظبط كلمت دكتور أشرف ذكي ونقلناه على المستشفى وحصل اللي حصل".

وأضافت إيمي خلال لقائها مع الإعلامية سارة نخلة خلال برنامجها فيس أوف على شاشة قناة هي، قائلة: "حاحا وتفاحة كان بطولته الأولى، وبعدها بسبب طباخ الريس كان هيشتغل بالملايين وشركات الإنتاج بتجري وراه بس القدر كان ليه كلام تاني وربنا كان عايز كده وأنا بشوف إنه مات محسود".

وتابعت: "في مرة قبل وفاته بكام يوم كنت منزله فيديو ليا أنا وهو من فرح هنا الزاهد واحنا بنرقص مع بعض وحضناه لقيت واحدة كتبتلي على إنستجرام ما تراعي الناس اللي أبوهم ميتين فأنا اتخضيت وشيلت الفيديو لإني مكنتش عايزة بابا يحصله حاجه، الحسد مذكور في القرآن والحسد بيدخل للرجل القبر وأنا مؤمنة بيه وتعددت الأسباب والموت واحد بس أنا شايفة إن بابا مات حسد".