تجديد حبس سائق أوبر المتهم بمحاولة اختطاف فتاة الشروق

قررت النيابة العامة تجديد حبس سائق شركة توصيل شهيرة المتهم في واقعة محاولة اختطاف حبيبة الشماع فتاة الشروق، 15 يوما على ذمة التحقيقات.

وكانت النيابة قد وجهت تهمة الشروع في القتل لسائق "أوبر" المتهم بمحاولة خطف الفتاة حبيبة الشماع في مدينة الشروق قبل أن تلقي بنفسها من السيارة وتصاب بفقد الوعي حتى الآن.

وكان رواد التواصل الاجتماعي تداولوا منشورات لواقعة تعرض فتاة تدعى حبيبة الشماع لمحاولة اختطاف، وجاء فى منشور متداول على نطاق واسع لأحدى قريباتها.

وقالت: «أنا بكتب الـpost ده عشان أحكي ليكم اللي حصل لبنت عمي علشان أولا عاوزاكم تدعولها ربنا يشفيها ويرجعها لينا بالسلامة حالتها لسه في خطر».

وأضافت: «حبيبة فاقدة الوعي وعندها نزيف في المخ مش بيوقف ومحطوطة على ventilator» .

وتابعت كاتبة المنشور: «ثانيا خدوا بالكم من نفسكم ومن بناتكم الناس بقوا مؤذيين ربنا يبعد عنا شرور الناس وإن حبيبة استقلت سيارة من التجمع الأول وكانت رايحة مصر الجديدة الساعة 6:5٠.. مامتها كلمتها في التليفون مكنتش سمعاها كويس علشان صوت الكاسيت كان عالى أوى والراجل كان بيتخانق فالتليفون.. حبيبة طلبت منه يوطي الكاسيت قالها لاء وكان بيبرطم بالكلام مامتها مكنتش سامعه هو بيقول إيه قالتلها ماله ده يا حبيبة قالت لها مش عارفة ماله وقفلت بعدها».

وأشارت إلى أن «أصحاب حبيبه كلموها يشوفوها وصلت فين رد عليهم واحد قال لهم صاحبت التليفون دي وقعت من العربيه قعدت تتشقلب لحد مخبطت في الحاجز الأسمنت اللي على طريق السويس ولما راح يسألها إيه اللي حصلك قالت سائق “شركة توصيل خاصة” كان عاوز يخطفني وجالها تشنجات وفقدت الوعي».

وأوضحت: «أنا معرفش حصل إيه يخوفها بالشكل ده ترمي نفسها والعربية بتجري.. بس انا عارفه كويس ان حبيبه بتخاف علي نفسها وأكيد هو رعبها.. والسواق اختفي بعد ما وقعت ولا طلب إسعاف».

واختتمت: « أنا عاوزة أختي ترجعلنا ادعولنا أنا عاوزة أجيب حقها ربنا ينتقم منه أشد انتقام».